အနေကဇာဘိ သံသာရံ၊ သန္ဓာဝိဿံ အနိဗ္ဗသံ။
ဂဟကာရံ ဂဝေသန္တော၊ ဒုက္ခာဇာတိ ပုနပ္ပုနံ။
ဥာဏ်တော်ကြီးမြတ် တော်မူလှပေသော အရှင်သည်၊ တစ်ခုတည်းသော သံသရာပုစ္ဆာ ၏ အဖြေကို တွေ့သိတော်မူပေသည်။ ဘုရားအဖြစ်သို့ ရောက်တော် မူပြီးနောက်၊ “ခန္ဓာအိမ်ကို အကြိမ်ကြိမ် ဆောက်တတ်သော တဏှာယောက်ျား၊ ဟယ်.. ပဲခွပ်သမား” ဟု ဥဒါန်းကျူးရင့်တော် မူနိုင်ခဲ့သည်။ ပါရမီ မရင့်သန်သူမို့ ခန္ဓာအိမ်ကို အဖန်ဖန် အကြိမ်ကြိမ် ဆောက်မိပါသည်ဘုရား။ အတ္တဘောတည်းဟူသော ခန္ဓာအိမ်ကို ရသောဘဝမှာ ထိုအိမ်ကလေးအား ထားရန် အိမ်ကြီးကို ရှာပြန်လေသည်။ သူ အိမ်တစ်လုံးဆောက်ခဲ့ဖူးပါသည်။ မြက်ခင်းစိမ်းစိမ်းများ ဖုံးလွှမ်းနေသည့် မနိမ့်မမြင့် တောင်ကုန်းလေးတစ်ကုန်းပေါ်မှာ ပင်လယ်ပြာပြာကို မျက်နှာပြုထားသော မိသားစု လေးယောက် နေနိုင်ရုံ တစ်ထပ်သစ်သားအိမ်ကလေးတစ်လုံး ဖြစ်သည်။ နေရာလပ် မရှိအောင် ဆေးဖြူသုတ်ထားသော ထိုအိမ်ကလေးတွင် အလင်းရောင် ကောင်းကောင်း ရရန်နှင့် လေကောင်းကောင်းရရန် မှန်တံခါးချပ်များတပ်ဆင်၍ ပြတင်းပေါက် ကျယ်ကျယ်များ ဖောက်လုပ်ထားသည်။ အိမ်ဝရန်တာတွင် ခရမ်းနုရောင် အပွင့် သေးသေးကလေးများ ပွင့်သည့် နွယ်ပင်များ တွယ်ကပ်နေကြသည်။ ခြံထဲမှာတော့ ပင်လယ်ကဗွီးပင်နှင့် ယူကလစ်ပင်များ ခပ်ကျဲကျဲ ပေါက်နေ၏။
ထိုအိမ်ကလေးတွင် အသားဖြူဖြူ ပါးချိုင့်ကလေးနှင့် ချစ်စရာကောင်းလောက်အောင် အရုပ်ဆိုးသော သူနှင့် အတူနေသည့် မိန်းကလေးတစ်ယောက်လည်းရှိသည်။ (သူတို့ ဘယ်တုန်းကမှ လက်မထပ်ခဲ့) ပြီးတော့ သူ တစ်ခါတလေရေးသည့် ဆီဆေးပန်းချီကား ပေါ်၌ သူ့အလစ်တွင် စုတ်တံဖြင့် ကြက်ခြေခတ်ရာဖြစ်အောင် ခြစ်တတ်သော မျက်လုံးပြူးပြူး သမီးကလေးတစ်ယောက်နှင့် တစ်ခါတရံ မှန်ပြတင်းပေါက်များ ကွဲအောင် ဘောလုံးဖြင့်ကန်တတ်သော ဆံပင်ရှည်ရှည်နှင့် သားကလေး တစ်ယောက် လည်းရှိသည်။ (နှစ်ခုလုံးမှာ ပျော်စရာကိစ္စများ ဖြစ်ခဲ့သည်။) ချစ်စရာကောင်းလောက် အောင် အရုပ်ဆိုးသောမိန်းကလေး ဈေးကအပြန် ဆံပင်ကောက်လာသောနေ့တွင် သူနှင့် ရန်ဖြစ်ကြသည်။ ထိုလိုခဏမှာတော့ ဆေးဖြူသုတ်ထားသော အိမ်ကလေး အတွင်းမှာ အနည်းငယ် မှိုင်းညို့ နေချင်နေပေမည်။ စာဖတ်ခန်းထဲဝင်ကာ စာဖတ်ချင် ယောင်ဆောင်နေဖို့ သူကောက်ကိုင် လိုက်သောစာအုပ်မှာ ပီ၊ဂျီ၊ဝုဒ်ဟောက်စ်စာအုပ် ဖြစ်နေတတ်၏။ သားနှင့်သမီးကတော့ သူတို့ ကြိုက်သော မက်ဒိုနာ၏ ဗီဒီယိုအခွေကို ဖွင့်ကာ ငြိမ်ငြိမ်ကုပ်ကုပ် ခြေထောက်ဖြူဖြူကလေးများနှင့် စည်းချက်လိုက် နေကြမည်။ ဆံပင်ကောက်ကောက်အသစ်နှင့် စိတ်အသစ်ကောက်နေသော မိန်းကလေး မီးဖိုထဲမှ နေ၍ သူ ကြိုက်တတ်သော ဝက်ပေါင်ခြောက်ကို တမင်သူ ညှော်နံ့ရအောင် ကြော်နေ သည်။ ဆေးဖြူသုတ်ထားသော အိမ်ကလေးအတွင်းမှ မှိုင်းညို့မှုမှာ တာရှည်ခံ လေ့မရှိပါ။ တစ်ယောက်ယောက်က (သူသာ ဖြစ်ဖို့များသည်) ပြတင်းပေါက် ကျယ်ကျယ် တစ်ချပ်ကို တွန်းဖွင့်လိုက်လျှင် အပြာနုရောင် ပင်လယ်ဆီမှ လတ်လတ် ဆတ်ဆတ် လေအေးအေးက အိမ်ထဲကို တိုးဝင်လာကာ အထဲမှ မှိုင်းညို့မှုများကို အပြင်သို့တိုက်ခတ် သယ်ယူသွားတတ်သည်။ ထိုခဏ၌ ရုတ်တရက် ဝင်လာသော အလင်းရောင်ကြောင့် အိမ်အတွင်းမှာ ပို၍လည်း ဖြူလက်သွားတတ်၏။ ထိုသို့ သူ ဆောက်ခဲ့ဖူးသော အိမ်ကလေးမှာ သူ့စိတ်ကူးအတွင်းမှာသာ ဖြစ်လေသည်။
“ခင်ဗျား ဒီနေ့ ဘယ်မှာအိပ်မှာလဲ”
လက်ဖက်ရည်ဆိုင်မှအထတွင် အကြောင်းသိသော မိတ်ဆွေက မေးလိုက်သော စကားကို ချက်ချင်းပြန်မဖြေနိုင်။ “ရှိပါတယ်”ဟုသာ ပြီးစလွယ်ပြောရင်းထွက်ခဲ့၏။ မိုးတဖွဲဖွဲ ကျလာပြန်သဖြင့် ပန်းခြံအနီးမှ အဆောက်အအုံတစ်ခု၏ ဆင်ဝင်အောက်တွင် ခိုကပ်လိုက်ရပြန်သည်။ သူ့လိုပင် ခရီးသွားသူတချို့ မိုးခိုနေကြ၏။ လှေကားထစ်များ အောက်အုတ်ခုံပေါ်မှာ အိပ်ပျော်စဖြစ်ဟန်တူသော အိန္ဒိယလူမျိုးအဘိုးအို တစ်ဦးကို တွေ့ရ၏။ သည်ညအဖို့ ကျောခင်းစရာ တစ်နေရာ ပြေလည် သွားရှာသော လူသား တစ်ယောက်ကို သူ ဝမ်းမြောက်ဝမ်းသာ ကြည့်နေမိသည်။ နေဝင်တိုင်း ထိုကိစ္စအတွက် ပူပန်ရသော ဘဝမှ သူကော ဘယ်တော့လွတ်မြောက်နိုင်ပါမည်နည်း။
ကိုယ်ယုံကြည်ရာမှာ ဘဝကို နောင်တမဲ့ စိုက်နစ်စွဲမက်တော့မည်ဟု မိဘအရိပ်ကို စွန့်ခွာလာကတည်းက နွေးထွေးသော၊ လုံခြုံသော၊ ငြိမ်းအေးသော၊ သက်တောင့် သက်သာဖြစ်သော “အိမ်” ဆိုသောအရာသည် အဝေးတွင် မှုန်ဝါး လွင့်စင် ကျန်ရစ်ခဲ့လေသည်။ လွန်ခဲ့သော ဆယ်နှစ်ကျော်ကာလကတော့ ရန်ကုန်မြို့ကြီးသည် အိပ်စရာနေစရာ မရှားလှသေး။ ရန်ကုန်ဘူတာကြီးမှာ၊ သင်္ဘောဆိပ်မှာ ခရီးသွားမည့် သူများနှင့် ရောနှော၍ ဟန်ဆောင်ကာ အိပ်နိုင်သည်။ ဒါမှမဟုတ် မိုးလင်းဖွင့်သော လက်ဖက်ရည်ဆိုင်တစ်ဆိုင်မှာ ညလုံးပေါက်ထိုင်နိုင်သည်။ (သည်အလုပ်ကတော့ လက်ဖက်ရည်တစ်ခွက်ဖိုး နှင့် ဆေးပေါ့လိပ်ဖိုး ငွေ တစ်ကျပ်တော့ အိတ်ထဲမှာ ရှိရသည်။) မိုးလင်းတော့မှ အမျိုးသားစာကြည့်တိုက်ဖြစ်ဖြစ်၊ ပြန်ကြားရေး စာကြည့်တိုက်ဖြစ်ဖြစ် တစ်ခုခုဆီသွားပြီး စာအုပ်တစ်အုပ်ကိုရှေ့တွင် ဖြန့်ခင်းကာ ထိုင်လျက် ခိုးအိပ်နိုင်သည်။ သဘောကောင်းသော အလှည့်ကျ စာကြည့်တိုက်မှူးနှင့် ကြုံလျှင် စားပွဲပေါ်မှောက်အိပ်နိုင်သော အခွင့်အရေးပင်ရတတ်၏။ အခုတော့ ရန်ကုန်ဘူတာကြီးတွင် ခရီးသည်များညအိပ်နေရန် ခွင့်မပြုတော့။ မိုးအလင်းဖွင့်သော လက်ဖက်ရည်ဆိုင်များလည်းမရှိတော့။ သက်ဆိုင်ရာက ၁၁နာရီထိုးသည်နှင့် ဆိုင်တိုင်း သိမ်းစေသည်။ စာကြည့်တိုက်များကလည်း နေ့ခင်းဘက် လာအိပ်သူများကို (စာဖတ်ခန်းထဲတွင် အိပ်စက်ခြင်းမပြုရ) ဟူသော စာတန်းများချိတ်ဆွဲကာ ကန့်ကွက် တားမြစ်ကြသည်။ အိပ်စရာခက်ခဲသော တစ်ညက မရောက်တာ ကြာပြီဖြစ်သော ကမ်းနားလမ်းဗောတံတားတစ်ခုမှာ သွားအိပ်ခဲ့မိသေး၏။ မိုးလင်းတော့ ဘယ်သူ ဖြုတ်သွားမှန်း မသိ။ သူ့မျက်မှန် မရှိတော့။ မျက်မှန်က ဟောင်ကောင်ကော်ကိုင်းမို့ တန်ဖိုးမရှိလှ။ အဝေးကြည့် မျက်မှန်မို့သာ သူ စာရေးစာဖတ် မထိခိုက်သည်။ သူလည်း ကမ်းနားလမ်းကို လန့်သွားသည်။
တစ်ညနေကလည်း သူ ဗောတံတားပေါ်မှာ ထိုင်ပြီး ဆေးလိပ်သောက်နေစဉ် အင်္ကျီကျွတ်နှင့် ဗလကောင်းကောင်း လူတစ်ယောက် အနားရောက်လာကာ “ပေးစမ်း” ဟု တစ်ခွန်းတည်း ပြောရင်း လက်ထဲက သောက်လက်စ ဆေးလိပ်ကို လုယူသွားတာ ခံရဖူး၏။ ကိုယ်ကလည်း တွေတွေငေးငေးသမားမို့ ရုတ်တရက် ဘာဖြစ်သွားမှန်း နားမလည်။ ပထမတော့ ဆေးလိပ်မီးညှိရအောင် တောင်းသည်ဟုပင် ထင်သေး၏။ နောက်မှ သူအနိုင်ကျင့် ခံရတာပဲဟု သဘောပေါက်ပြီးပြုံးရယ်မိ၏။ လောကမှာ အတိတ်ဘဝကုသိုလ်ကြောင့်ငွေရတဲ့သူကရ၊ ဉာဏ်ရတဲ့လူကရ၊ ဗလရတဲ့လူကရပေ
မယ့် ကိုယ်အစွမ်းအစ ရှိတာပေါ်မှာအားကိုးပြီး တခုခုချို့တဲ့သူကို အနိုင်မကျင့်သင့် ပါဘူး။ အမှန်တော့ ကမ်းနားလို နေရာမျိုးက သူတို့လို အေးအေး ဆေးဆေး သမားတွေနှင့် မသင့်တော်။ သူ့ထက် ဗလကောင်းသော အင်္ကျီကျွတ်နှင့် လူက သူ့ကို ဘဝတူ ကလေကချေ တစ်ယောက်လို့ပဲ မှတ်ပေလိမ့်မည်။
သူဟာ ကလေကချေတော့လည်း မဟုတ်ပါဘူး။ မျိုးရိုးကောင်းမိဘက ဆင်းသက်လာ သူပါ။ လူတွေအထင်ကြီးတယ် ဆိုတဲ့ အတန်းပညာကိုလည်း ကောင်းကောင်း သင်ခဲ့ဖူးတဲ့သူပါ။ ပြီးတော့ သူ့ခေါင်းထဲမှာလည်း အတန်းပညာထက် အဆပေါင်းများစွာ တန်ဖိုးရှိတယ်လို့ သူယူဆတဲ့ပညာတွေနဲ့ ပြည့်တင်းနေတဲ့ သူပါ။ အသည်းနှလုံးထဲမှာ လည်း သူနေထိုင်တဲ့ ကမ္ဘာကြီးကိုသူတတ်တဲ့ အနုပညာနဲ့ ကောင်းမြတ်ပြည့်စုံအောင် သွန်းလုပ်ဖန်တီးချင်တဲ့ စေတနာတွေနဲ့ ဖိတ်လျှံနေတဲ့သူပါ။
အဲဒီလူကို နေစရာ အိမ်ကလေးမျှ မရှိတာနဲ့ ကလေကချေလို့တော့ မခေါ်သင့်ဘူးပေါ့။ သို့သော် ဘာပဲဖြစ်ဖြစ် လူတစ်ယောက်ဆိုတာကတော့ လူဆိုတဲ့ဂုဏ်သိက္ခာကို လုံခြုံအောင် ထိန်းသိမ်း နိုင်လောက်ရုံ အိမ်ကလေးတစ်လုံး (သူ့ စိတ်ကူးထဲက အိမ်မျိုးဖြစ်ရမည်) နှင့် ငွေသုံးသိန်း လောက်တော့ ရှိသင့်သည်ဟု ဝန်ခံပါသည်။ သူ့လို နေ့တိုင်း ကျောခင်းစရာ တစ်နေရာကိစ္စအတွက် နေဝင်မှာ စိုးရွံ့ပူပန်နေသော ဘဝ ကတော့ မကောင်းလှဘူးပေါ့။ အနည်းဆုံး တစ်လ ငါးဆယ်လောက် ပေးရတဲ့ ဘော်ဒါဆောင်က တစ်ယောက်ခန်းကလေး တစ်ခုကိုတော့ ပိုင်ဆိုင်သင့်ပါသည်။ လွန်ခဲ့သော အနည်းငယ်အဆင်ပြေသည့် နှစ်များကတော့ (စိတ်ဆင်းရဲ အမြဲခံနေရ သော ဘဝတွင်) ကိုယ်ဆင်းရဲ မခံချင်သဖြင့် ကမာရွတ် သို့မဟုတ် သမိုင်း၊ အင်းစိန် တစ်နေရာရာရှိ ဘော်ဒါဆောင် တစ်ခုခုမှာ အခန်းတစ်ခန်းတော့ရအောင် ငှားနေ တတ်ခဲ့သည်။ ကြိုတင်ငွေ နှစ်လခလောက်ပေးနိုင်လျှင် အခန်းတစ်ခန်းရနိုင်သည်။ ပြီးတော့လည်း ထမင်းနပ်မှန်ရန် ခက်ခဲသောဘဝမှာ နောက်လနောက်လအတွက် အခန်းခများ သူမရှင်းပေးနိုင်တော့။ သို့ဖြင့် ဘော်ဒါဆောင်တစ်ခုတွင် တတ်နိုင်သမျှ တွယ်ကပ်နေသော်လည်း လေးငါးလခန့်သာ လက်ခံကာသူ ဆင်းပေးရလေ့ ရှိ၏။ တချို့ဘော်ဒါဆောင် ပိုင်ရှင်များက ဆင်းမပေးလျှင် ရဲတိုင်မည်၊ ကောင်စီတိုင်မည်ဟု ခြိမ်းခြောက်၏။ တချို့ကတော့ သူ့ ပစ္စည်းများကို အခန်းပြင်ထုတ်၍ ပုံထားပြီး အခန်း
တံခါးကို သော့အသစ်လဲခတ်ကာ ပိတ်ထားလိုက်တတ်၏။
မိုးတိတ်သွား၏။ ညဥ့်လည်း ရင့်ရော်စပြုပြီ။ မိုးခိုသူများမှာ လိုရာသို့ အလျှိုလျှို ထွက်သွားကြသည်။ ဒီည သူ ဘယ်မှာအိပ်ရမည်နည်း။ သူ့အိတ်ထဲမှာ ငွေနှစ်ကျပ် လောက် ရှိရင်တော့ ကြည့်မြင်တိုင်ဘူတာဘက် သွားအိပ်မည်ဟု စိတ်ကူးသေး၏။ အိတ် ထဲမှာက ငွေနှစ်ကျပ် ပြည့်အောင်မရှိ။ ကြည့်မြင်တိုင် ဘူတာအနီးမှ အိမ်များသည် ထိုသို့ ညအိပ်မည့်သူများအတွက် ဖျာငှားတတ်သည်။ ဖျာတစ်ချပ် ကို နှစ်ကျပ်ပေးရ၏။ စောစောသွားလျှင် ထိုဖျာငှားသော အိမ်များ၏ ဝရန်တာ၊ ဖိနပ်ချွတ်
မှာ နေရာတစ်နေရာလောက်ရတတ်သည်။ ခုချိန်မှ သွားလျှင်တော့ ဖျာကိုယူကာ ဘူတာစင်္ကြန်ပေါ် လွတ်ရာခင်း၍ အိပ်ရုံသာ ရှိသည်။ ညအိပ်ခရီးသည်များကို ရည်ရွယ် ငှားသော်လည်း ထိုနေရာတွင် ညအိမ်သူများမှာ ခရီးသွားများထက် ပျံကျများက များနေတတ်၏။ ရန်ကုန်မြို့ တိုက်ကြိုတိုက်ကြား လှေကားထစ်များ အောက်မှာ ကလည်း အရင်လို အိပ်ရတာ မလွတ်လပ်တော့။ တိုက်ရှင်က နှင်ချင်နှင်၏။ ရုံးတစ်ရုံး ဖြစ်လျှင်လည်း ညစောင့်ကနှင်၏။ ညစောင့်ကို ပိုက်ဆံပေးအိပ်လျှင်လည်း ဖြစ်ပြန်သည်။ အခြေအနေသိပ်ဆိုးစဉ်က သူလည်းအိပ်ခဲ့ဖူး၏။ သို့သော် အခုအိပ်ဖို့ မစဉ်းစားရဲတော့။ သက်ဆိုင်ရာကတွေ့၍ မှောင်ရိပ်ခိုမှု နှင့် အရေးယူခံရလျှင် မလွယ်။ တကယ်တော့ တိုက်လှေကားထစ်အောက်မှာ အိပ်ဖို့ကိစ္စကပင် ခက်ခဲသေး၏။ နေရာလွတ် မှန်သမျှ ငါးနာရီခြောက်နာရီလောက်ကတည်းက နေရာဦးထားနှင့်သူတွေ ရှိနေတတ်၏။ ယောင်လည်လည်နှင့် ထိုအနီးတဝိုက်တွင် ထိုင်နေတတ်သည်။ တချို့ကတော့ လူကိုယ်တိုင်ပင် မဟုတ်ဘဲ အုတ်နီခဲပင် ချကာ ဦးထားတတ်၏။ ပြီးတော့ သူတို့ ဦးထားရသောနေရာကို ပြန်ရောင်းစားကြသည်။ မိုးကွယ်လေကွယ်၊ သက်ဆိုင်ရာကလည်း ဗြုန်းခနဲလမ်းပေါ်က လှမ်းကြည့်ရုံနှင့် မတွေ့နိုင်သော နေရာမျိုး ဆိုလျှင် နေရာကောင်းဟုခေါ်ကာ သုံးကျပ်အထိ ပေးရတတ်၏။ လမ်းလျှောက်ရင်း ဒီတစ်ည သူသွားရောက် အိပ်စက်နိုင်မည့် မိတ်ဆွေသူငယ်ချင်းများ၏ အမည်ကို ခေါင်းထဲမှ တန်းစီကြည့်နေမိသည်။ အိပ်၍ မဖြစ်နိုင်သောသူများကို သူ့ခေါင်းထဲက စာရင်းမှ ပယ်ဖျက်ပစ်၏။ သူတို့မှာလည်း အကြောင်းပြစရာ ကိုယ်စီနှင့် ဖြစ်သည်။
“ကျွန်တော့်သမီးတွေ ကြီးပြီဗျာ၊ လူစိမ်းယောက်ျားတစ်ယောက် အိမ်မှာအိပ်တာကို လက်ခံဖို့ မသင့်လျော်တော့ဘူး”
ဟု သူငယ်ချင်းတစ်ယောက်က ထူးထူးခြားခြား ငြင်းဖူး၏။ ဒီတော့မှ သူကိုယ်တိုင်၏ အသက်လည်း လေးဆယ်ထဲရောက် နေပြီကိုသတိထားမိ၏။ သူငယ်ချင်း၏ သမီးကလေးများမှာ သူဂရုမပြုမိခိုက်မှာပင် အပျိုကလေးများဖြစ်နေသည်ကို အံသြစွာ တွေ့ရ၏။ သူ အချိန်ပြည့် ထိုအိမ်တွင် အိပ်စားနေစဉ်က သူတို့လေးတွေမှာ သူခေါ်၍ နှပ်ညှစ်ပေးခဲ့ရသော ပီဘိကလေး ငယ်များသာ ဖြစ်ခဲ့ကြသည်။
နောက်ဆုံးတော့ မြို့သစ်မှာနေထိုင်သော မိတ်ဆွေတစ်ယောက်၏ နာမည်ကိုသူ သွားအမှတ်ရသည်။ ထိုမိတ်ဆွေသည် ဆင်းရဲသော်လည်း သဒ္ဓါတရားကောင်းကာ သူ့အပေါ်မှာလည်း အလေးအမြတ်ရှိသူ ဖြစ်၏။ အလှမ်းဝေးသည်မို့ သူကသာ အရောက်အပေါက် နည်းနေခဲ့သည်။ မြို့သစ်သွား ဘတ်စ်ကားအိုအိုကြီးတစ်စီးပေါ်တွင် ထိုင်လိုက်လာရင်း နွေကာလ တလျှောက်က ကားတစ်စီးထဲမှာ သူလနှင့်ချီကာ အိပ်ခဲ့ဖူးတာအမှတ်ရလာပြန်သည်။ ဆင်ခြေဖုံးက သူငယ်ချင်းတစ်ယောက်သည် ဓာတ်ဆီထုတ်ရောင်းစားရန်ဟူသော ရည်ရွယ်ချက်ဖြင့် ရှစ်ထောင်ကျော်ပေးရသော ဘီးလှိမ့်နိုင်ရုံ ကားစုတ်ကလေးတစ်စီးကို ဝယ်ထားဖူး၏။ သူ့မှာက ထိုကားကို ထားရန်ဂိုဒေါင်မရှိ။ သူတို့မိသားစု ခုနစ်ယောက်ပင် ကားဂိုဒေါင်လောက်ရှိသည့် အိမ်ကလေးထဲတွင် နေထိုင်ကြသူ များဖြစ်၏။ သည်တော့ကားကို ဓာတ်ဆီထုတ်ချိန်မှ လွဲ၍ လမ်းဘေးတွင် အမြဲရပ်ထားရသည်။
“မင်း အိပ်စရာ မရှိရင် ငါ့ကားထဲ လာအိပ်လေ”
ဟု သူငယ်ချင်းက ဖိတ်ခေါ်၏။ သူလည်း ညဘက် ကျောခင်းစရာ တစ်နေရာ ပြေလည်သွား၏။
ကားရှင်သူငယ်ချင်း အဖို့လည်း ညဘက်သူ့ကားကို စောင့်ပေးမည့်သူအား ပိုက်ဆံ တစ်ပြားမှ မကုန်ဘဲ အလကားရလိုက်၏။ တစ်ခုတော့ရှိသည်။ ကားထဲမှာ အိပ်ရတာ နွေမို့လှောင်အိုက်လှသည်။
ကားတံခါးများကို ဖွင့်အိပ်တော့လည်း ခြင်က မတန်တဆ ကိုက်ခဲလာ၏။ ဆောင်းတွင်းကျလျှင်တော့ကားထဲမှာ အိပ်ရတာအဆင်ပြေလိမ့်မည်ဟုသည်းခံနေဆဲ။ နှစ်လွန်ကားများ ဖျက်သိမ်းမည့် သတင်းက ထွက်လာ၏။ သူ့သူငယ်ချင်းလည်း ကားကိုရရာဈေးနှင့် နယ်မှဆင်းဝယ်သူတစ်ယောက်ကို ရောင်းလိုက်လေသည်။
သို့သော် မိုးဖြိုင်ဖြိုင်ကျမလာမီ ကာလအထိတော့ သူ့အိပ်ရာထိုင်ခင်းကိစ္စမှာ အခက်အခဲ သိပ်မရှိလှ။ ဤအချိန်များက ရန်ကုန်တွင် ပွဲလမ်းသဘင်ပြတ်သည်မရှိ။ ဘုရားပွဲ၊ ဇာတ်ပွဲ၊ မိုးအလင်းရုပ်ရှင်ရုံ စသဖြင့် ဆိုင်းသံဗုံသံနှင့် အသံချဲ့ စက်သံကိုသာ နားစွင့်နေဖို့ ရှိသည်။ ပြီးတော့ ပွဲခင်းထဲသွားကာ ပွဲဈေးတန်းမှ လက်ဖက်ရည်ဆိုင် တစ်ဆိုင်တွင် လက်ဖက်ရည် တစ်ခွက် ဆေးပေါ့လိပ်တစ်လိပ်နှင့် ညဥ့်အတော်နက် သည်အထိ ထိုင်နေမည်။ များသောအားဖြင့် ၁၂နာရီကျော်လျှင် ရုံဖွင့် တတ်၏။
ရုံဖွင့်လျှင် ရုံထဲဝင်ကာ နောက်ဆုံးမှ လွတ်ရာဖျာတစ်ချပ်အပေါ် ခွေခွေကလေး လှဲအိပ်လိုက်ရုံပင်။ ခွေခွေမအိပ်၍ တော့ မဖြစ်။ သိပ်မကျယ်သော ပွဲခင်းထဲမှာ ခြေဆန့်လက်ဆန့် လွတ်လွတ်လပ်လပ် အိပ်၍မဖြစ်နိုင်။ အဲသလို ခွေခွေကွေးရင်း ဖိနပ်ကိုလည်း ချွတ်ကာ ရင်ခွင်ထဲ ရင်ခွင်ထဲ ပိုက်အိပ်ရ၏။
သို့မဟုတ်လျှင် မိုးလင်းကျ ဖိနပ်ပျောက်နေတတ်သည်။ သူ့ကိုတွေ့သည့် လူတချို့က ဇာတ်ရုံထဲ အသားလွတ်လာအိပ်သည်ဟု မထင်ကြ။ ဇာတ်လာကြည့်ရင်း အိပ်ချင်စိတ်ကို မထိန်းနိုင်သူ တစ်ယောက်ဟုသာယူဆကြသည်။ ဆိုင်းသံ တခြိမ်းခြိမ်းကို နားထောင်ရင်းအိပ်ရတာ တစ်မျိုးကောင်းသည်။ သုံးကားပေါင်း မိုးလင်းရုပ်ရှင်ရုံထဲဝင်အိပ်လည်းရသည်။ အကြောင်းမသိသော မိတ်ဆွေတစ်ဦးက ပွဲခင်းတစ်နေရာဝယ်ဆုံခိုက် “ဘယ်နေရာမှာ ဇာတ်ကက ခင်ဗျားကို အမြဲ တွေ့တယ်၊
တော်တော်ဇာတ်ဝါသနာပါတယ် ထင်တယ်” ဟုမှတ်ချက်ချဖူး၏။ သည်လိုနှင့် မိုးကျလာသည်။
ရန်ကုန်တွင် ပွဲလမ်းသဘင်မရှိတော့။ ဇာတ်များလည်း နယ်တက်သွားကြသည်။ သူလည်း အိပ်စက်နားနေရန် အခက်အခဲ ကြုံလာပြန်သည်။ သူ ဖြတ်သန်း သွားလာ တတ်သော လမ်းတစ်နေရာရှိ ညောင်ပင်ကြီးတစ်ပင်အောက် အမြဲထိုင်နေသည့် အရူး တစ်ယောက်ရှိ၏။ မိုးကောင်းကင်နှင့် မြေကြီးအား အိမ်ပြုနေနိုင်သော ထိုအရူးဘဝကို အားကျချင်သလို ရှိမိဆဲ၊ မိုးတွေ သည်းထန်စွာ ရွာသည့် မိုးဦးကျ တစ်ည၏ နောက်နေ့နံနက်ခင်းဝယ် ထိုသူ၏ တစ်ကိုယ်လုံး မိုးရေစက်များ နစ်ရွှဲလျက် မြက်ခင်းပေါ်၌ အေးစက်တောင့်တင်းစွာ အသက်ပျောက်နေရှာသည်ကို တွေ့ပြီး အကြီးအကျယ် တုန်လှုပ်ခဲ့ရ၏။
“မဖြစ်လို့ ပြောနေတာပါဗျာ” ဆိုသော သူ အားကိုးတကြီး လာခဲ့သည့် မိတ်ဆွေ၏ စကားက သူ့အသည်းနှလုံးကို အေး စက်တောင့်တင်းစေသည်။
“ကျွန်တော်တို့ ရပ်ကွက်တွေမှာ ခဏခဏ သန်းခေါင်စာရင်း စစ်တယ်ဗျ။ ဧည့်စာရင်း တိုင်ဖို့ အချိန်ကလည်း လွန်နေပြီ။ တိုင်မယ်ဆိုဦး ခင်ဗျားမှာက မှတ်ပုံတင် မရှိဘူး”
သူ မှတ်ပုံတင် ပျောက်နေတာ ကြာခဲ့ပြီ။
“ဒီလိုလုပ်ဗျာ၊ ညဥ့်သိပ်နက်နေတော့ တခြားသွားလို့လည်း မဖြစ်တော့ဘူး။ ကျွန်တော် ခင်ဗျားတို့အိမ်မှာ ညမအိပ်ဘူး၊ တစ်ညလုံး ပက်လက်ကုလားထိုင်တစ်လုံးနဲ့ ထိုင်စာဖတ်နေမယ်။ ကျွန်တော့်ကို မီးခွက်တစ်ခွက်သာ ထွန်းပေးထား”
“ဘာထူးမှာလဲဗျာ ကျွန်တော် တကယ်မဖြစ်လို့ ပြောနေတာပါ။ ဈေးလမ်းဆုံမှာ ကုန်စိမ်း
ကြိုတဲ့ကားတွေ စထွက်နေပြီ ခင်ဗျားလိုက်သွားရင် ရပါတယ်”
သူ့အိတ်ထဲကို ကျပ်တန်နွမ်းနွမ်းလေး သုံးလေးရွက်လုံးထွေးထည့်ပေးရင်း မိတ်ဆွေ လုပ်သူက ယဉ်ယဉ်ကျေးကျေး နှင်နေသည်။
“ကျွန်တော် လိုက်ပို့ရဦးမလား”
“နေပါစေဗျာ”
သူ အိမ်ပေါ်ကဆင်းကာ လမ်းမပေါ်ပြန်ရောက်ခဲ့သည်။ လမ်းဓာတ်မီးတိုင်များ၏ ဝါကျင့်ကျင့် မီးရောင်ဖျော့ဖျော့က ညဥ့်အမှောင်ထုကို မထိုးဖောက်နိုင်။ မည်းမှောင် တိတ်ဆိတ်သော အိမ်တွေထဲ မှာတော့ သူ့လို လူသားများ အိပ်စက်နေကြပေသည်။
သံသရာတွင် ခန္ဓာဆိုသော အိမ်ကလေး ရနေသရွေ့ အိမ်ကလေးကို ထားရန် အိမ်တစ်လုံးတော့ လိုပြန်သည်။ လူ့ဘုံဆိုတာကလည်း (တချို့ကြီးတဲ့ တချို့သေးတဲ့၊ တချို့ခမ်းနားတဲ့၊ တချို့နုံချာတဲ့) အဲသလို အိမ်တွေ စုဝေးနေသည့် အိမ် အကြီးကြီးတစ်လုံးမျှသာ ဖြစ်သည်။ ကျွန်တော်တို့ဟာ တစ်အိမ်တည်း နေတဲ့သူတွေပါ။
ဘယ်ဆီကမှန်းမသိ။ ပျံ့လွင့်လာသည့် ဆည်းလည်းသံသဲ့သဲ့ကို တိုးမျှင်းညင်သာစွာ ကြားရသည်။ အသံကြားရာ အရပ်သို့ မျက်နှာမူလှည့်ကာ သူ လမ်းမပေါ်မှာပင် လက်အုပ်ချီ ကန်တော့မိ၏။ ဘုရားရဟန္တာ အရှင်သူမြတ်များလို ပါရမီဥာဏ် မရင့်သန်ဘဲ၊ ခန္ဓာအိမ်ကို အဖန်ဖန် ဆောက်မိနေဆဲ ဘဝများမှာ သူ့ အသည်းနှလုံး ကို ဖြူစင်အောင် အားထုတ်ရမည်။ သံသရာ တစ်နေရာရာမှာတော့ ဤအသည်းနှလုံးနှင့် လျော်ညီသော ဖြူစင်သည့် အိမ်ကလေးတစ်လုံးကိုတချိန်ချိန် သူ ရနိုင်ကောင်း
ပါပေသည်ဟု မျှော်လင့်ယုံကြည်ရပေသည်။
သစ္စာနီ
အခြားသောအရာများနှင့် လူ
ဂဟကာရံ ဂဝေသန္တော၊ ဒုက္ခာဇာတိ ပုနပ္ပုနံ။
ဥာဏ်တော်ကြီးမြတ် တော်မူလှပေသော အရှင်သည်၊ တစ်ခုတည်းသော သံသရာပုစ္ဆာ ၏ အဖြေကို တွေ့သိတော်မူပေသည်။ ဘုရားအဖြစ်သို့ ရောက်တော် မူပြီးနောက်၊ “ခန္ဓာအိမ်ကို အကြိမ်ကြိမ် ဆောက်တတ်သော တဏှာယောက်ျား၊ ဟယ်.. ပဲခွပ်သမား” ဟု ဥဒါန်းကျူးရင့်တော် မူနိုင်ခဲ့သည်။ ပါရမီ မရင့်သန်သူမို့ ခန္ဓာအိမ်ကို အဖန်ဖန် အကြိမ်ကြိမ် ဆောက်မိပါသည်ဘုရား။ အတ္တဘောတည်းဟူသော ခန္ဓာအိမ်ကို ရသောဘဝမှာ ထိုအိမ်ကလေးအား ထားရန် အိမ်ကြီးကို ရှာပြန်လေသည်။ သူ အိမ်တစ်လုံးဆောက်ခဲ့ဖူးပါသည်။ မြက်ခင်းစိမ်းစိမ်းများ ဖုံးလွှမ်းနေသည့် မနိမ့်မမြင့် တောင်ကုန်းလေးတစ်ကုန်းပေါ်မှာ ပင်လယ်ပြာပြာကို မျက်နှာပြုထားသော မိသားစု လေးယောက် နေနိုင်ရုံ တစ်ထပ်သစ်သားအိမ်ကလေးတစ်လုံး ဖြစ်သည်။ နေရာလပ် မရှိအောင် ဆေးဖြူသုတ်ထားသော ထိုအိမ်ကလေးတွင် အလင်းရောင် ကောင်းကောင်း ရရန်နှင့် လေကောင်းကောင်းရရန် မှန်တံခါးချပ်များတပ်ဆင်၍ ပြတင်းပေါက် ကျယ်ကျယ်များ ဖောက်လုပ်ထားသည်။ အိမ်ဝရန်တာတွင် ခရမ်းနုရောင် အပွင့် သေးသေးကလေးများ ပွင့်သည့် နွယ်ပင်များ တွယ်ကပ်နေကြသည်။ ခြံထဲမှာတော့ ပင်လယ်ကဗွီးပင်နှင့် ယူကလစ်ပင်များ ခပ်ကျဲကျဲ ပေါက်နေ၏။
ထိုအိမ်ကလေးတွင် အသားဖြူဖြူ ပါးချိုင့်ကလေးနှင့် ချစ်စရာကောင်းလောက်အောင် အရုပ်ဆိုးသော သူနှင့် အတူနေသည့် မိန်းကလေးတစ်ယောက်လည်းရှိသည်။ (သူတို့ ဘယ်တုန်းကမှ လက်မထပ်ခဲ့) ပြီးတော့ သူ တစ်ခါတလေရေးသည့် ဆီဆေးပန်းချီကား ပေါ်၌ သူ့အလစ်တွင် စုတ်တံဖြင့် ကြက်ခြေခတ်ရာဖြစ်အောင် ခြစ်တတ်သော မျက်လုံးပြူးပြူး သမီးကလေးတစ်ယောက်နှင့် တစ်ခါတရံ မှန်ပြတင်းပေါက်များ ကွဲအောင် ဘောလုံးဖြင့်ကန်တတ်သော ဆံပင်ရှည်ရှည်နှင့် သားကလေး တစ်ယောက် လည်းရှိသည်။ (နှစ်ခုလုံးမှာ ပျော်စရာကိစ္စများ ဖြစ်ခဲ့သည်။) ချစ်စရာကောင်းလောက် အောင် အရုပ်ဆိုးသောမိန်းကလေး ဈေးကအပြန် ဆံပင်ကောက်လာသောနေ့တွင် သူနှင့် ရန်ဖြစ်ကြသည်။ ထိုလိုခဏမှာတော့ ဆေးဖြူသုတ်ထားသော အိမ်ကလေး အတွင်းမှာ အနည်းငယ် မှိုင်းညို့ နေချင်နေပေမည်။ စာဖတ်ခန်းထဲဝင်ကာ စာဖတ်ချင် ယောင်ဆောင်နေဖို့ သူကောက်ကိုင် လိုက်သောစာအုပ်မှာ ပီ၊ဂျီ၊ဝုဒ်ဟောက်စ်စာအုပ် ဖြစ်နေတတ်၏။ သားနှင့်သမီးကတော့ သူတို့ ကြိုက်သော မက်ဒိုနာ၏ ဗီဒီယိုအခွေကို ဖွင့်ကာ ငြိမ်ငြိမ်ကုပ်ကုပ် ခြေထောက်ဖြူဖြူကလေးများနှင့် စည်းချက်လိုက် နေကြမည်။ ဆံပင်ကောက်ကောက်အသစ်နှင့် စိတ်အသစ်ကောက်နေသော မိန်းကလေး မီးဖိုထဲမှ နေ၍ သူ ကြိုက်တတ်သော ဝက်ပေါင်ခြောက်ကို တမင်သူ ညှော်နံ့ရအောင် ကြော်နေ သည်။ ဆေးဖြူသုတ်ထားသော အိမ်ကလေးအတွင်းမှ မှိုင်းညို့မှုမှာ တာရှည်ခံ လေ့မရှိပါ။ တစ်ယောက်ယောက်က (သူသာ ဖြစ်ဖို့များသည်) ပြတင်းပေါက် ကျယ်ကျယ် တစ်ချပ်ကို တွန်းဖွင့်လိုက်လျှင် အပြာနုရောင် ပင်လယ်ဆီမှ လတ်လတ် ဆတ်ဆတ် လေအေးအေးက အိမ်ထဲကို တိုးဝင်လာကာ အထဲမှ မှိုင်းညို့မှုများကို အပြင်သို့တိုက်ခတ် သယ်ယူသွားတတ်သည်။ ထိုခဏ၌ ရုတ်တရက် ဝင်လာသော အလင်းရောင်ကြောင့် အိမ်အတွင်းမှာ ပို၍လည်း ဖြူလက်သွားတတ်၏။ ထိုသို့ သူ ဆောက်ခဲ့ဖူးသော အိမ်ကလေးမှာ သူ့စိတ်ကူးအတွင်းမှာသာ ဖြစ်လေသည်။
“ခင်ဗျား ဒီနေ့ ဘယ်မှာအိပ်မှာလဲ”
လက်ဖက်ရည်ဆိုင်မှအထတွင် အကြောင်းသိသော မိတ်ဆွေက မေးလိုက်သော စကားကို ချက်ချင်းပြန်မဖြေနိုင်။ “ရှိပါတယ်”ဟုသာ ပြီးစလွယ်ပြောရင်းထွက်ခဲ့၏။ မိုးတဖွဲဖွဲ ကျလာပြန်သဖြင့် ပန်းခြံအနီးမှ အဆောက်အအုံတစ်ခု၏ ဆင်ဝင်အောက်တွင် ခိုကပ်လိုက်ရပြန်သည်။ သူ့လိုပင် ခရီးသွားသူတချို့ မိုးခိုနေကြ၏။ လှေကားထစ်များ အောက်အုတ်ခုံပေါ်မှာ အိပ်ပျော်စဖြစ်ဟန်တူသော အိန္ဒိယလူမျိုးအဘိုးအို တစ်ဦးကို တွေ့ရ၏။ သည်ညအဖို့ ကျောခင်းစရာ တစ်နေရာ ပြေလည် သွားရှာသော လူသား တစ်ယောက်ကို သူ ဝမ်းမြောက်ဝမ်းသာ ကြည့်နေမိသည်။ နေဝင်တိုင်း ထိုကိစ္စအတွက် ပူပန်ရသော ဘဝမှ သူကော ဘယ်တော့လွတ်မြောက်နိုင်ပါမည်နည်း။
ကိုယ်ယုံကြည်ရာမှာ ဘဝကို နောင်တမဲ့ စိုက်နစ်စွဲမက်တော့မည်ဟု မိဘအရိပ်ကို စွန့်ခွာလာကတည်းက နွေးထွေးသော၊ လုံခြုံသော၊ ငြိမ်းအေးသော၊ သက်တောင့် သက်သာဖြစ်သော “အိမ်” ဆိုသောအရာသည် အဝေးတွင် မှုန်ဝါး လွင့်စင် ကျန်ရစ်ခဲ့လေသည်။ လွန်ခဲ့သော ဆယ်နှစ်ကျော်ကာလကတော့ ရန်ကုန်မြို့ကြီးသည် အိပ်စရာနေစရာ မရှားလှသေး။ ရန်ကုန်ဘူတာကြီးမှာ၊ သင်္ဘောဆိပ်မှာ ခရီးသွားမည့် သူများနှင့် ရောနှော၍ ဟန်ဆောင်ကာ အိပ်နိုင်သည်။ ဒါမှမဟုတ် မိုးလင်းဖွင့်သော လက်ဖက်ရည်ဆိုင်တစ်ဆိုင်မှာ ညလုံးပေါက်ထိုင်နိုင်သည်။ (သည်အလုပ်ကတော့ လက်ဖက်ရည်တစ်ခွက်ဖိုး နှင့် ဆေးပေါ့လိပ်ဖိုး ငွေ တစ်ကျပ်တော့ အိတ်ထဲမှာ ရှိရသည်။) မိုးလင်းတော့မှ အမျိုးသားစာကြည့်တိုက်ဖြစ်ဖြစ်၊ ပြန်ကြားရေး စာကြည့်တိုက်ဖြစ်ဖြစ် တစ်ခုခုဆီသွားပြီး စာအုပ်တစ်အုပ်ကိုရှေ့တွင် ဖြန့်ခင်းကာ ထိုင်လျက် ခိုးအိပ်နိုင်သည်။ သဘောကောင်းသော အလှည့်ကျ စာကြည့်တိုက်မှူးနှင့် ကြုံလျှင် စားပွဲပေါ်မှောက်အိပ်နိုင်သော အခွင့်အရေးပင်ရတတ်၏။ အခုတော့ ရန်ကုန်ဘူတာကြီးတွင် ခရီးသည်များညအိပ်နေရန် ခွင့်မပြုတော့။ မိုးအလင်းဖွင့်သော လက်ဖက်ရည်ဆိုင်များလည်းမရှိတော့။ သက်ဆိုင်ရာက ၁၁နာရီထိုးသည်နှင့် ဆိုင်တိုင်း သိမ်းစေသည်။ စာကြည့်တိုက်များကလည်း နေ့ခင်းဘက် လာအိပ်သူများကို (စာဖတ်ခန်းထဲတွင် အိပ်စက်ခြင်းမပြုရ) ဟူသော စာတန်းများချိတ်ဆွဲကာ ကန့်ကွက် တားမြစ်ကြသည်။ အိပ်စရာခက်ခဲသော တစ်ညက မရောက်တာ ကြာပြီဖြစ်သော ကမ်းနားလမ်းဗောတံတားတစ်ခုမှာ သွားအိပ်ခဲ့မိသေး၏။ မိုးလင်းတော့ ဘယ်သူ ဖြုတ်သွားမှန်း မသိ။ သူ့မျက်မှန် မရှိတော့။ မျက်မှန်က ဟောင်ကောင်ကော်ကိုင်းမို့ တန်ဖိုးမရှိလှ။ အဝေးကြည့် မျက်မှန်မို့သာ သူ စာရေးစာဖတ် မထိခိုက်သည်။ သူလည်း ကမ်းနားလမ်းကို လန့်သွားသည်။
တစ်ညနေကလည်း သူ ဗောတံတားပေါ်မှာ ထိုင်ပြီး ဆေးလိပ်သောက်နေစဉ် အင်္ကျီကျွတ်နှင့် ဗလကောင်းကောင်း လူတစ်ယောက် အနားရောက်လာကာ “ပေးစမ်း” ဟု တစ်ခွန်းတည်း ပြောရင်း လက်ထဲက သောက်လက်စ ဆေးလိပ်ကို လုယူသွားတာ ခံရဖူး၏။ ကိုယ်ကလည်း တွေတွေငေးငေးသမားမို့ ရုတ်တရက် ဘာဖြစ်သွားမှန်း နားမလည်။ ပထမတော့ ဆေးလိပ်မီးညှိရအောင် တောင်းသည်ဟုပင် ထင်သေး၏။ နောက်မှ သူအနိုင်ကျင့် ခံရတာပဲဟု သဘောပေါက်ပြီးပြုံးရယ်မိ၏။ လောကမှာ အတိတ်ဘဝကုသိုလ်ကြောင့်ငွေရတဲ့သူကရ၊ ဉာဏ်ရတဲ့လူကရ၊ ဗလရတဲ့လူကရပေ
မယ့် ကိုယ်အစွမ်းအစ ရှိတာပေါ်မှာအားကိုးပြီး တခုခုချို့တဲ့သူကို အနိုင်မကျင့်သင့် ပါဘူး။ အမှန်တော့ ကမ်းနားလို နေရာမျိုးက သူတို့လို အေးအေး ဆေးဆေး သမားတွေနှင့် မသင့်တော်။ သူ့ထက် ဗလကောင်းသော အင်္ကျီကျွတ်နှင့် လူက သူ့ကို ဘဝတူ ကလေကချေ တစ်ယောက်လို့ပဲ မှတ်ပေလိမ့်မည်။
သူဟာ ကလေကချေတော့လည်း မဟုတ်ပါဘူး။ မျိုးရိုးကောင်းမိဘက ဆင်းသက်လာ သူပါ။ လူတွေအထင်ကြီးတယ် ဆိုတဲ့ အတန်းပညာကိုလည်း ကောင်းကောင်း သင်ခဲ့ဖူးတဲ့သူပါ။ ပြီးတော့ သူ့ခေါင်းထဲမှာလည်း အတန်းပညာထက် အဆပေါင်းများစွာ တန်ဖိုးရှိတယ်လို့ သူယူဆတဲ့ပညာတွေနဲ့ ပြည့်တင်းနေတဲ့ သူပါ။ အသည်းနှလုံးထဲမှာ လည်း သူနေထိုင်တဲ့ ကမ္ဘာကြီးကိုသူတတ်တဲ့ အနုပညာနဲ့ ကောင်းမြတ်ပြည့်စုံအောင် သွန်းလုပ်ဖန်တီးချင်တဲ့ စေတနာတွေနဲ့ ဖိတ်လျှံနေတဲ့သူပါ။
အဲဒီလူကို နေစရာ အိမ်ကလေးမျှ မရှိတာနဲ့ ကလေကချေလို့တော့ မခေါ်သင့်ဘူးပေါ့။ သို့သော် ဘာပဲဖြစ်ဖြစ် လူတစ်ယောက်ဆိုတာကတော့ လူဆိုတဲ့ဂုဏ်သိက္ခာကို လုံခြုံအောင် ထိန်းသိမ်း နိုင်လောက်ရုံ အိမ်ကလေးတစ်လုံး (သူ့ စိတ်ကူးထဲက အိမ်မျိုးဖြစ်ရမည်) နှင့် ငွေသုံးသိန်း လောက်တော့ ရှိသင့်သည်ဟု ဝန်ခံပါသည်။ သူ့လို နေ့တိုင်း ကျောခင်းစရာ တစ်နေရာကိစ္စအတွက် နေဝင်မှာ စိုးရွံ့ပူပန်နေသော ဘဝ ကတော့ မကောင်းလှဘူးပေါ့။ အနည်းဆုံး တစ်လ ငါးဆယ်လောက် ပေးရတဲ့ ဘော်ဒါဆောင်က တစ်ယောက်ခန်းကလေး တစ်ခုကိုတော့ ပိုင်ဆိုင်သင့်ပါသည်။ လွန်ခဲ့သော အနည်းငယ်အဆင်ပြေသည့် နှစ်များကတော့ (စိတ်ဆင်းရဲ အမြဲခံနေရ သော ဘဝတွင်) ကိုယ်ဆင်းရဲ မခံချင်သဖြင့် ကမာရွတ် သို့မဟုတ် သမိုင်း၊ အင်းစိန် တစ်နေရာရာရှိ ဘော်ဒါဆောင် တစ်ခုခုမှာ အခန်းတစ်ခန်းတော့ရအောင် ငှားနေ တတ်ခဲ့သည်။ ကြိုတင်ငွေ နှစ်လခလောက်ပေးနိုင်လျှင် အခန်းတစ်ခန်းရနိုင်သည်။ ပြီးတော့လည်း ထမင်းနပ်မှန်ရန် ခက်ခဲသောဘဝမှာ နောက်လနောက်လအတွက် အခန်းခများ သူမရှင်းပေးနိုင်တော့။ သို့ဖြင့် ဘော်ဒါဆောင်တစ်ခုတွင် တတ်နိုင်သမျှ တွယ်ကပ်နေသော်လည်း လေးငါးလခန့်သာ လက်ခံကာသူ ဆင်းပေးရလေ့ ရှိ၏။ တချို့ဘော်ဒါဆောင် ပိုင်ရှင်များက ဆင်းမပေးလျှင် ရဲတိုင်မည်၊ ကောင်စီတိုင်မည်ဟု ခြိမ်းခြောက်၏။ တချို့ကတော့ သူ့ ပစ္စည်းများကို အခန်းပြင်ထုတ်၍ ပုံထားပြီး အခန်း
တံခါးကို သော့အသစ်လဲခတ်ကာ ပိတ်ထားလိုက်တတ်၏။
မိုးတိတ်သွား၏။ ညဥ့်လည်း ရင့်ရော်စပြုပြီ။ မိုးခိုသူများမှာ လိုရာသို့ အလျှိုလျှို ထွက်သွားကြသည်။ ဒီည သူ ဘယ်မှာအိပ်ရမည်နည်း။ သူ့အိတ်ထဲမှာ ငွေနှစ်ကျပ် လောက် ရှိရင်တော့ ကြည့်မြင်တိုင်ဘူတာဘက် သွားအိပ်မည်ဟု စိတ်ကူးသေး၏။ အိတ် ထဲမှာက ငွေနှစ်ကျပ် ပြည့်အောင်မရှိ။ ကြည့်မြင်တိုင် ဘူတာအနီးမှ အိမ်များသည် ထိုသို့ ညအိပ်မည့်သူများအတွက် ဖျာငှားတတ်သည်။ ဖျာတစ်ချပ် ကို နှစ်ကျပ်ပေးရ၏။ စောစောသွားလျှင် ထိုဖျာငှားသော အိမ်များ၏ ဝရန်တာ၊ ဖိနပ်ချွတ်
မှာ နေရာတစ်နေရာလောက်ရတတ်သည်။ ခုချိန်မှ သွားလျှင်တော့ ဖျာကိုယူကာ ဘူတာစင်္ကြန်ပေါ် လွတ်ရာခင်း၍ အိပ်ရုံသာ ရှိသည်။ ညအိပ်ခရီးသည်များကို ရည်ရွယ် ငှားသော်လည်း ထိုနေရာတွင် ညအိမ်သူများမှာ ခရီးသွားများထက် ပျံကျများက များနေတတ်၏။ ရန်ကုန်မြို့ တိုက်ကြိုတိုက်ကြား လှေကားထစ်များ အောက်မှာ ကလည်း အရင်လို အိပ်ရတာ မလွတ်လပ်တော့။ တိုက်ရှင်က နှင်ချင်နှင်၏။ ရုံးတစ်ရုံး ဖြစ်လျှင်လည်း ညစောင့်ကနှင်၏။ ညစောင့်ကို ပိုက်ဆံပေးအိပ်လျှင်လည်း ဖြစ်ပြန်သည်။ အခြေအနေသိပ်ဆိုးစဉ်က သူလည်းအိပ်ခဲ့ဖူး၏။ သို့သော် အခုအိပ်ဖို့ မစဉ်းစားရဲတော့။ သက်ဆိုင်ရာကတွေ့၍ မှောင်ရိပ်ခိုမှု နှင့် အရေးယူခံရလျှင် မလွယ်။ တကယ်တော့ တိုက်လှေကားထစ်အောက်မှာ အိပ်ဖို့ကိစ္စကပင် ခက်ခဲသေး၏။ နေရာလွတ် မှန်သမျှ ငါးနာရီခြောက်နာရီလောက်ကတည်းက နေရာဦးထားနှင့်သူတွေ ရှိနေတတ်၏။ ယောင်လည်လည်နှင့် ထိုအနီးတဝိုက်တွင် ထိုင်နေတတ်သည်။ တချို့ကတော့ လူကိုယ်တိုင်ပင် မဟုတ်ဘဲ အုတ်နီခဲပင် ချကာ ဦးထားတတ်၏။ ပြီးတော့ သူတို့ ဦးထားရသောနေရာကို ပြန်ရောင်းစားကြသည်။ မိုးကွယ်လေကွယ်၊ သက်ဆိုင်ရာကလည်း ဗြုန်းခနဲလမ်းပေါ်က လှမ်းကြည့်ရုံနှင့် မတွေ့နိုင်သော နေရာမျိုး ဆိုလျှင် နေရာကောင်းဟုခေါ်ကာ သုံးကျပ်အထိ ပေးရတတ်၏။ လမ်းလျှောက်ရင်း ဒီတစ်ည သူသွားရောက် အိပ်စက်နိုင်မည့် မိတ်ဆွေသူငယ်ချင်းများ၏ အမည်ကို ခေါင်းထဲမှ တန်းစီကြည့်နေမိသည်။ အိပ်၍ မဖြစ်နိုင်သောသူများကို သူ့ခေါင်းထဲက စာရင်းမှ ပယ်ဖျက်ပစ်၏။ သူတို့မှာလည်း အကြောင်းပြစရာ ကိုယ်စီနှင့် ဖြစ်သည်။
“ကျွန်တော့်သမီးတွေ ကြီးပြီဗျာ၊ လူစိမ်းယောက်ျားတစ်ယောက် အိမ်မှာအိပ်တာကို လက်ခံဖို့ မသင့်လျော်တော့ဘူး”
ဟု သူငယ်ချင်းတစ်ယောက်က ထူးထူးခြားခြား ငြင်းဖူး၏။ ဒီတော့မှ သူကိုယ်တိုင်၏ အသက်လည်း လေးဆယ်ထဲရောက် နေပြီကိုသတိထားမိ၏။ သူငယ်ချင်း၏ သမီးကလေးများမှာ သူဂရုမပြုမိခိုက်မှာပင် အပျိုကလေးများဖြစ်နေသည်ကို အံသြစွာ တွေ့ရ၏။ သူ အချိန်ပြည့် ထိုအိမ်တွင် အိပ်စားနေစဉ်က သူတို့လေးတွေမှာ သူခေါ်၍ နှပ်ညှစ်ပေးခဲ့ရသော ပီဘိကလေး ငယ်များသာ ဖြစ်ခဲ့ကြသည်။
နောက်ဆုံးတော့ မြို့သစ်မှာနေထိုင်သော မိတ်ဆွေတစ်ယောက်၏ နာမည်ကိုသူ သွားအမှတ်ရသည်။ ထိုမိတ်ဆွေသည် ဆင်းရဲသော်လည်း သဒ္ဓါတရားကောင်းကာ သူ့အပေါ်မှာလည်း အလေးအမြတ်ရှိသူ ဖြစ်၏။ အလှမ်းဝေးသည်မို့ သူကသာ အရောက်အပေါက် နည်းနေခဲ့သည်။ မြို့သစ်သွား ဘတ်စ်ကားအိုအိုကြီးတစ်စီးပေါ်တွင် ထိုင်လိုက်လာရင်း နွေကာလ တလျှောက်က ကားတစ်စီးထဲမှာ သူလနှင့်ချီကာ အိပ်ခဲ့ဖူးတာအမှတ်ရလာပြန်သည်။ ဆင်ခြေဖုံးက သူငယ်ချင်းတစ်ယောက်သည် ဓာတ်ဆီထုတ်ရောင်းစားရန်ဟူသော ရည်ရွယ်ချက်ဖြင့် ရှစ်ထောင်ကျော်ပေးရသော ဘီးလှိမ့်နိုင်ရုံ ကားစုတ်ကလေးတစ်စီးကို ဝယ်ထားဖူး၏။ သူ့မှာက ထိုကားကို ထားရန်ဂိုဒေါင်မရှိ။ သူတို့မိသားစု ခုနစ်ယောက်ပင် ကားဂိုဒေါင်လောက်ရှိသည့် အိမ်ကလေးထဲတွင် နေထိုင်ကြသူ များဖြစ်၏။ သည်တော့ကားကို ဓာတ်ဆီထုတ်ချိန်မှ လွဲ၍ လမ်းဘေးတွင် အမြဲရပ်ထားရသည်။
“မင်း အိပ်စရာ မရှိရင် ငါ့ကားထဲ လာအိပ်လေ”
ဟု သူငယ်ချင်းက ဖိတ်ခေါ်၏။ သူလည်း ညဘက် ကျောခင်းစရာ တစ်နေရာ ပြေလည်သွား၏။
ကားရှင်သူငယ်ချင်း အဖို့လည်း ညဘက်သူ့ကားကို စောင့်ပေးမည့်သူအား ပိုက်ဆံ တစ်ပြားမှ မကုန်ဘဲ အလကားရလိုက်၏။ တစ်ခုတော့ရှိသည်။ ကားထဲမှာ အိပ်ရတာ နွေမို့လှောင်အိုက်လှသည်။
ကားတံခါးများကို ဖွင့်အိပ်တော့လည်း ခြင်က မတန်တဆ ကိုက်ခဲလာ၏။ ဆောင်းတွင်းကျလျှင်တော့ကားထဲမှာ အိပ်ရတာအဆင်ပြေလိမ့်မည်ဟုသည်းခံနေဆဲ။ နှစ်လွန်ကားများ ဖျက်သိမ်းမည့် သတင်းက ထွက်လာ၏။ သူ့သူငယ်ချင်းလည်း ကားကိုရရာဈေးနှင့် နယ်မှဆင်းဝယ်သူတစ်ယောက်ကို ရောင်းလိုက်လေသည်။
သို့သော် မိုးဖြိုင်ဖြိုင်ကျမလာမီ ကာလအထိတော့ သူ့အိပ်ရာထိုင်ခင်းကိစ္စမှာ အခက်အခဲ သိပ်မရှိလှ။ ဤအချိန်များက ရန်ကုန်တွင် ပွဲလမ်းသဘင်ပြတ်သည်မရှိ။ ဘုရားပွဲ၊ ဇာတ်ပွဲ၊ မိုးအလင်းရုပ်ရှင်ရုံ စသဖြင့် ဆိုင်းသံဗုံသံနှင့် အသံချဲ့ စက်သံကိုသာ နားစွင့်နေဖို့ ရှိသည်။ ပြီးတော့ ပွဲခင်းထဲသွားကာ ပွဲဈေးတန်းမှ လက်ဖက်ရည်ဆိုင် တစ်ဆိုင်တွင် လက်ဖက်ရည် တစ်ခွက် ဆေးပေါ့လိပ်တစ်လိပ်နှင့် ညဥ့်အတော်နက် သည်အထိ ထိုင်နေမည်။ များသောအားဖြင့် ၁၂နာရီကျော်လျှင် ရုံဖွင့် တတ်၏။
ရုံဖွင့်လျှင် ရုံထဲဝင်ကာ နောက်ဆုံးမှ လွတ်ရာဖျာတစ်ချပ်အပေါ် ခွေခွေကလေး လှဲအိပ်လိုက်ရုံပင်။ ခွေခွေမအိပ်၍ တော့ မဖြစ်။ သိပ်မကျယ်သော ပွဲခင်းထဲမှာ ခြေဆန့်လက်ဆန့် လွတ်လွတ်လပ်လပ် အိပ်၍မဖြစ်နိုင်။ အဲသလို ခွေခွေကွေးရင်း ဖိနပ်ကိုလည်း ချွတ်ကာ ရင်ခွင်ထဲ ရင်ခွင်ထဲ ပိုက်အိပ်ရ၏။
သို့မဟုတ်လျှင် မိုးလင်းကျ ဖိနပ်ပျောက်နေတတ်သည်။ သူ့ကိုတွေ့သည့် လူတချို့က ဇာတ်ရုံထဲ အသားလွတ်လာအိပ်သည်ဟု မထင်ကြ။ ဇာတ်လာကြည့်ရင်း အိပ်ချင်စိတ်ကို မထိန်းနိုင်သူ တစ်ယောက်ဟုသာယူဆကြသည်။ ဆိုင်းသံ တခြိမ်းခြိမ်းကို နားထောင်ရင်းအိပ်ရတာ တစ်မျိုးကောင်းသည်။ သုံးကားပေါင်း မိုးလင်းရုပ်ရှင်ရုံထဲဝင်အိပ်လည်းရသည်။ အကြောင်းမသိသော မိတ်ဆွေတစ်ဦးက ပွဲခင်းတစ်နေရာဝယ်ဆုံခိုက် “ဘယ်နေရာမှာ ဇာတ်ကက ခင်ဗျားကို အမြဲ တွေ့တယ်၊
တော်တော်ဇာတ်ဝါသနာပါတယ် ထင်တယ်” ဟုမှတ်ချက်ချဖူး၏။ သည်လိုနှင့် မိုးကျလာသည်။
ရန်ကုန်တွင် ပွဲလမ်းသဘင်မရှိတော့။ ဇာတ်များလည်း နယ်တက်သွားကြသည်။ သူလည်း အိပ်စက်နားနေရန် အခက်အခဲ ကြုံလာပြန်သည်။ သူ ဖြတ်သန်း သွားလာ တတ်သော လမ်းတစ်နေရာရှိ ညောင်ပင်ကြီးတစ်ပင်အောက် အမြဲထိုင်နေသည့် အရူး တစ်ယောက်ရှိ၏။ မိုးကောင်းကင်နှင့် မြေကြီးအား အိမ်ပြုနေနိုင်သော ထိုအရူးဘဝကို အားကျချင်သလို ရှိမိဆဲ၊ မိုးတွေ သည်းထန်စွာ ရွာသည့် မိုးဦးကျ တစ်ည၏ နောက်နေ့နံနက်ခင်းဝယ် ထိုသူ၏ တစ်ကိုယ်လုံး မိုးရေစက်များ နစ်ရွှဲလျက် မြက်ခင်းပေါ်၌ အေးစက်တောင့်တင်းစွာ အသက်ပျောက်နေရှာသည်ကို တွေ့ပြီး အကြီးအကျယ် တုန်လှုပ်ခဲ့ရ၏။
“မဖြစ်လို့ ပြောနေတာပါဗျာ” ဆိုသော သူ အားကိုးတကြီး လာခဲ့သည့် မိတ်ဆွေ၏ စကားက သူ့အသည်းနှလုံးကို အေး စက်တောင့်တင်းစေသည်။
“ကျွန်တော်တို့ ရပ်ကွက်တွေမှာ ခဏခဏ သန်းခေါင်စာရင်း စစ်တယ်ဗျ။ ဧည့်စာရင်း တိုင်ဖို့ အချိန်ကလည်း လွန်နေပြီ။ တိုင်မယ်ဆိုဦး ခင်ဗျားမှာက မှတ်ပုံတင် မရှိဘူး”
သူ မှတ်ပုံတင် ပျောက်နေတာ ကြာခဲ့ပြီ။
“ဒီလိုလုပ်ဗျာ၊ ညဥ့်သိပ်နက်နေတော့ တခြားသွားလို့လည်း မဖြစ်တော့ဘူး။ ကျွန်တော် ခင်ဗျားတို့အိမ်မှာ ညမအိပ်ဘူး၊ တစ်ညလုံး ပက်လက်ကုလားထိုင်တစ်လုံးနဲ့ ထိုင်စာဖတ်နေမယ်။ ကျွန်တော့်ကို မီးခွက်တစ်ခွက်သာ ထွန်းပေးထား”
“ဘာထူးမှာလဲဗျာ ကျွန်တော် တကယ်မဖြစ်လို့ ပြောနေတာပါ။ ဈေးလမ်းဆုံမှာ ကုန်စိမ်း
ကြိုတဲ့ကားတွေ စထွက်နေပြီ ခင်ဗျားလိုက်သွားရင် ရပါတယ်”
သူ့အိတ်ထဲကို ကျပ်တန်နွမ်းနွမ်းလေး သုံးလေးရွက်လုံးထွေးထည့်ပေးရင်း မိတ်ဆွေ လုပ်သူက ယဉ်ယဉ်ကျေးကျေး နှင်နေသည်။
“ကျွန်တော် လိုက်ပို့ရဦးမလား”
“နေပါစေဗျာ”
သူ အိမ်ပေါ်ကဆင်းကာ လမ်းမပေါ်ပြန်ရောက်ခဲ့သည်။ လမ်းဓာတ်မီးတိုင်များ၏ ဝါကျင့်ကျင့် မီးရောင်ဖျော့ဖျော့က ညဥ့်အမှောင်ထုကို မထိုးဖောက်နိုင်။ မည်းမှောင် တိတ်ဆိတ်သော အိမ်တွေထဲ မှာတော့ သူ့လို လူသားများ အိပ်စက်နေကြပေသည်။
သံသရာတွင် ခန္ဓာဆိုသော အိမ်ကလေး ရနေသရွေ့ အိမ်ကလေးကို ထားရန် အိမ်တစ်လုံးတော့ လိုပြန်သည်။ လူ့ဘုံဆိုတာကလည်း (တချို့ကြီးတဲ့ တချို့သေးတဲ့၊ တချို့ခမ်းနားတဲ့၊ တချို့နုံချာတဲ့) အဲသလို အိမ်တွေ စုဝေးနေသည့် အိမ် အကြီးကြီးတစ်လုံးမျှသာ ဖြစ်သည်။ ကျွန်တော်တို့ဟာ တစ်အိမ်တည်း နေတဲ့သူတွေပါ။
ဘယ်ဆီကမှန်းမသိ။ ပျံ့လွင့်လာသည့် ဆည်းလည်းသံသဲ့သဲ့ကို တိုးမျှင်းညင်သာစွာ ကြားရသည်။ အသံကြားရာ အရပ်သို့ မျက်နှာမူလှည့်ကာ သူ လမ်းမပေါ်မှာပင် လက်အုပ်ချီ ကန်တော့မိ၏။ ဘုရားရဟန္တာ အရှင်သူမြတ်များလို ပါရမီဥာဏ် မရင့်သန်ဘဲ၊ ခန္ဓာအိမ်ကို အဖန်ဖန် ဆောက်မိနေဆဲ ဘဝများမှာ သူ့ အသည်းနှလုံး ကို ဖြူစင်အောင် အားထုတ်ရမည်။ သံသရာ တစ်နေရာရာမှာတော့ ဤအသည်းနှလုံးနှင့် လျော်ညီသော ဖြူစင်သည့် အိမ်ကလေးတစ်လုံးကိုတချိန်ချိန် သူ ရနိုင်ကောင်း
ပါပေသည်ဟု မျှော်လင့်ယုံကြည်ရပေသည်။
သစ္စာနီ
အခြားသောအရာများနှင့် လူ
No comments:
Post a Comment